Jardunaldien barruan, euskara eta hizkuntza aniztasuna gaiaren inguruko mahai ingurua antolatu zuen Ikuspegik, eta bertan EMUNek parte hartu zuen Xabier Aierdi (EHU) eta Xabier Mendigurenekin (Euskal Herria Hamaika Kolore) batera.

Ikuspegik antolatutako III. Jardunaldiak kultura eta erlijio aniztasuna gaian zentratu diren arren, lehenengo eguneko arratsaldean hizkuntza aniztasunari eta euskarari tokia egin zioten.

Ikuspegia jardunaldiak

Erramun Osak gidatutako mahai inguruan, EMUNek euskarak jatorri ezberdinetako pertsonen artean joka dezaken zubi lana jarri zuen eztabaidaren erdigunean. Hainbat ideia eta egoera atera ziren bi orduko mahai inguruan zehar: Euskal Herrira bizitzera datozen askok euskara ez dutela ezagutu ere egiten, herri euskaldunetan ez dagoela etorkinen kontzentrazio handirik, edota batzuetan gurera bizitzera etorri direnei bertakoei baino gehiago ez ote diegun eskatzen.

Horrelakoen aurrean, EMUNek argi utzi zuen euskarak ez duela kentzen, euskarak beti ematen duela.  Izan ere, euskarak eskubide berdintasuna bermatzen du.  Xabier Mendigurenek harrerari eman zion lehentasuna, Euskal Herrira bizitzera datozenei harrera nork eta nola egiten zaien berebiziko garrantzia duela; izan ere, une horretan bertan gure hizkuntzaren berri ematea oinarrizkoa dela.

Eskubide berdintasuna bermatzeaz gain, euskarak badu gaitasun handi bat: zubi lana egiteko gaitasuna, jatorri ezberdinetako herritar guztien arteko zubi lana. Eta hori izan zen EMUNek defendatu zuena bi ordutan. Euskarari tokia egin behar zaion moduan, Euskal Herrian hitz egiten diren hizkuntza guztiei tokia egin behar zaiela ere argudiatu zuen EMUNek, aitortza eta errekonozimenduaren bidez. Xabier Mendigurenek adibide bat baino gehiago jarri zituen hizkuntza aniztasuna eta euskararen zubi lanaren inguruan.

Ikuspegia jardunaldiak II

Xabier Aierdik, hausnarketa sakon baten beharraz mintzatu zen. Euskarak eta euskararen zubi lana izateko gaitasunak kontsentsua behar zuela adierazi zuen, eta hori izan daitekeela oinarrietako bat euskara immigrazioaren gaiarekin lotzeko.

Bukatzeko, hizkuntzen kudeaketaz ere hitz egin zen. Eta argi gelditu zen hizkuntzen kudeaketa beti egin izan dela. Batzuetan modu kontzientean eta gehienetan modu inkontzientean. Eta EMUNen ustez kudeaketa hori modu kontzientean egin behar da, euskara erdigunean kokatuz eta beste hizkuntza guztiak aitortuz.

Irakurtzen jarraitu...

Aste honetan, ostegunean eta ostiralean, Ikuspegik antolatuta, Immigrazioa eta Integrazioa EAEn III. jardunaldiak izango dira Bilbon. Egitarau osoa kontsultatu dezakezue euren webgunean.

Ostegunean, azaroak 14, arratsaldean Hizkuntza aniztasuna eta euskara izeneko mahai-ingurua izango da. Moderatzailea Erramun Osa izango da eta parte hartu dutenak hauek: Xabier Aierdi (EHUko irakaslea), Xabier Mendiguren (Hamaika Kolore) eta Olatz Irizar (Emun).

Irakurtzen jarraitu...

Harrera eta bizikidetza jardunaldiak antolatu ditu Gipuzkoako Foru Aldundiak Emun-en laguntzarekin. Jardunaldiak izango dira urriaren 4an, San Telmo museoan.

Harrera eta bizikidetza jardunaldiak

Egitaraua:

09:00: Hasiera. Marcos Nanclares, Gipuzkoako Foru Aldundiko Migrazio eta Aniztasun Zuzendariaren agurra.
09:15-9:45.- Galiziako esperientzia. Bernardo Penbade Rei. Marinha eskualdea. Burela Proiektua: Hezkuntza esparrutik udal esparrura.
09:45-10:15.- Kataluniako esperientzia. Elena Masanas Aleli. Garrotxa eskualdea. Harrera, jendarteratzeko eta gizarte kohesiorako planaren lehenengo fasea.
10:15–10:45.- Euskal Herriko esperientzia. Amaia Agirregabiria Alberdi, Pasaiako Alkatea. Aniztasunetik elkarbizitzara. Ikus-entzunezko proiekzioa.
Atsedena: 10:45-11:15
11:15-11:45.- Galiziako esperientzia. Xosé-Henrique Costas. Vigoko biztanle migratzaileak eta jarrera linguistikoak.
11:45-12:15.- Kataluniako esperientzia. Josep Anton Fernandez Montolí. Nola irabazi hiztun berriak katalanerako?
12:15-12:45.- Euskal Herriko esperientzia. Gorka Lizarraga Erro. Lasarte-Oriako Udala. Aniztasunetik elkarbizitzara.
Atsedena: 12:45-13:15
13:15-14:15. Talde dinamika
14:15: Amaiera

Izena ematea: Izena emateko udalanitz@gipuzkoa.net helbidera idatzi edo 943-112290 telefono zenbakira deitu; epea irailaren 27an bukatuko da. Jardunaldia doakoa da.

Informazio gehiagorako, Harrera eta bizikidetza jardunaldiak.

Irakurtzen jarraitu...

Aniztasunaren kudeaketaren gaineko jardunaldiak egin ziren joan den astean Donostian. Antolatzaileak CIEMEN, Ehu eta Eusko Ikaskuntza izan ziren. Kulturalki eta politikoki gutxiagotuta dauden bi hizkuntza komunitatea (Katalunia eta Euskal Herria) izan ziren mintzagai aipatutako jardunaldi hauetan.

Emun ere izan zen jardunaldietan. Hainbat ideia eta gogoeta plazaratu dira jardunaldiotan. Guri deigarri egin zaizkigun batzuk aipatu nahiko genituzke:

  • Immigrazioa ez da behin behinekoa edo transitorioa, gai estrukturala da horregatik aniztasuna kudeatu
    beharra dago.
  • Klase soziala eta genero ikuspegia adibidez oso kontuan izateko aldagaiak dira aniztasunaren kudeaketan
  • Hizkuntza elkarbizitza kohesio eta integraziorako giltza da eta Euskal Herriaren kasuan euskara da giltza hori. Katalunian hori argi dago alderdi politikoen eta eragileen artean, baina Euskal Herrian oraindik lan handia dago hori horrela dela erakusteko.
  • Jatorri ezberdinetako euskal herritarren artean bizitzeko eredu propioa eraiki beharko du nazio bakoitzak.
  • Aniztasunaren inguruko diskurtsoa bateratu egin behar da eta konpartitu.
  • Etorkizuneko gizartea anitza izango da, baina elkarbizitza eraiki behar dugu, gizartea kohesionatu egin behar dugu, ezin ditu konpartimentu estankoak izan.

Aniztasunaren kudeaketa jardunaldiak

Omnium kultur elkarteko Rita Marzoaren esaldi borobil batek laburtzen du ondo jardunaldietan aditutakoa: gizartea ezin da izan mazedonia bat, barazki pure goxo-goxoa izan behar du.

Jardunaldien laburpena bide honetan ikus dezakezue:
[youtube http://www.youtube.com/watch?v=4OLYfgAq94g]

 

Irakurtzen jarraitu...

Datorren astean, hilak 16 eta hilak 17, Santiagon (Galizia) Acollendo en galego jardunaldiak egingo dira. Jardunaldi hauek ikastetxeetan hizkuntza normalizaziorako teknikari direnei begira egin dira. Hainbat hitzaldi eta esperientzia interesgarri aurkeztuko dituzte han.

Egitaraua

 

Irakurtzen jarraitu...