300x250banner.topagunea450x159

Euskarak zelan lagundu dezake gaur egun, hemen, bizikidetza indartzen?Euskara hizkuntza eta sektore ezberdinen arteko zubi izan daiteke?

Galdera hori ardatz hartuta,   ariketa sozial bat antolatzen gabiltza sektore ezberdinetako hainbat eragile. Emunek, beste eragile askorekin batera,  antolaketarako talde eragilean parte hartzen du.

Eragileen artean denetarik dago, hona hemen zerrenda luzea:   Unesco Etxea,  Euskadiko Gazteriaren Kontseilua, Euskaltzaindia, Eusko Jaurlaritzako Enplegu eta Gizarte Politiketako Saila, Mintzanet, Garabide, Euskaltzaleen Topagunea, Kontseilua, AEK, Seaska, Emigrados sin fronteras, Elhuyar, Emun, Banaiz Bagara, Joxemi Zumalabe fundazioa,  Aztiker, UEMA, Soziolinguistika Klusterra, Hobest Consultores, Kutxa Fundazioa, Kutxa Ekogunea, Laboral Kutxa, Eusko Ikaskuntza, UPV/EHU, Bergarako Udala,Gune Irekiaren Lagunak.  

Baina, zer aterako da elkarrizketa edo ariketa sozial honetatik? Euskara-bizikidetza harremanaren agenda berritu bat, hau da, euskara eta bizikidetzaren arteko harremanari buruzko lagin bat.

Elkarrizketa edo ariketa sozial honek bi ezaugarri izango ditu: alde batetik, parte hartzaileen izaera anitza; eta beste alde batetik, elkarrizketa beraren modua, modu irekia.

 

200x90

Non? Bilboko Irakasleen Unibertsitate Eskolan (Leioa)

Noiz? Maiatzaren 7an (9:30-18:00). Edozein unetan sartu eta irteteko aukera.

Izena emateko: Fomularioa bete hemen, mesedez (ahal baduzu, maiatzaren 2rako)

Matrikula (katerina barne): 10 € (garestiegia iruditzen zaizu? Lasai, jarri gurekin harremanetan eta konponduko dugu)

Ordainkera: eskuz, tokian bertan

Umeekin zatoz? Primeran! Gozo-gozo hartuko ditugu, jolasteko gunea izango dute.

Hizkuntzak: Gaztelera, frantsesa eta euskara, bizikidetza ariketa praktikoan.

Nolakoa izango da batzarra? Gune irekiko metodoaz lan egingo dugu: oso lan-modu emankorra, parte hartzea eta talde-sormena errazten dituena eta energia gorakada eta ekintza ugari dakarrena.

Nahi ditugun gaiak proposatu ahal izango ditugu jardunaldiaren hasieran.

– Gai bakoitzari heltzeko 90 minutuko tarteak izango dira.

– Elkarrizketaren inguruko txostena bete eta bidaliko dugu guztion artean tokian eta egunean bertan.

Zubideiak: Euskara eta zu. Zubiak, bideak eta ideiak. Zuganantzako bideak. Euskara zubiak sendotzeko, aberasteko eta betetzeko bideak, ideiak, bidaiak, bidaideak… zatoz #zubideiak Gune Irekira maiatzaren 7an.

 

 

Irakurtzen jarraitu...

Emunek talde eragilean parte hartuko du

talde_eragilea_160222

Otsailaren 22an, izaera anitzeko hogehitik gorat eragile bildu dira Durangon maiatzaren 7an egin asmo den gizarte-elkarrizketa antolatzeko. Euskara, aniztasuna eta bizikidetza gaia izango da aztergai, gizarteko ordezkaritza zabala batu nahi duen Zubideiak ekimenean eta horretarako hainbat gizarte eragile eta erakundetako kidek bat egin dute antolakuntza prozesuan.

Euskararen normalizazioa gizarte osoaren ardura dela adierazi dute sustatzaileek eta, horretarako, gizartean dauden iritzi eta ahots anitzak entzutea eta elkarrizketan jartzea oso garrantzitsua dela iritzi diote. Gizarte elkarrizketako parte hartzaileek erabakiko dute foro honetan zein hizkuntzatan mintzatuko diren, euskaraz, frantzesez, zein gazteleraz mintzatu ahal izango da bertan.

Gune Irekiaren metodologiaren bidez bideratuko den gizarte elkarrizketa eusakararentzat eta hizkuntza aniztasunarentzat dinamika berrien sorkuntzarako potentzial handiko ekimena izan daitekeelakoan daude antolatzaileak.

Honako erakundeetako ordezkariekin eratu da ekimena aurrera ateratzeko lehen talde eragilea: Unesco Etxea, Aztiker, Euskadiko Gazte Kontseilua, Euskaltzaindia, Garabide, Euskaltzaleen Topagunea, Kontseilua, AEK, Seaska, Emigrados sin fronteras, Banaiz Bagara, Soziolinguistika Klusterra, Joxemi Zumalabe fundazioa, EMUN, Aztiker, UEMA, Hobest Consultores, TOKIKOM, Ekogunea, Kutxa Fundazioa, Eusko Ikaskuntza, Wikitoki, Elhuyar, Laboralkutxa eta UPV/EHU . Horrez gain, Gune Irekien Lagunak izango dira maiatzak 7ko topagunea errazteko ardura hartuko duten bidelagunak.

Epe laburrera lehen helburua honakoa izango da: aniztasun zabalagoa eta indartsuagoa lortzeko erakunde gehiago erakartzea talde eragilea. Zubideiak irekita dago beraz.

Horrekin batera, gizarte elkarrizketa baldintzarik onenetan gauza dadin, parte hartzaileak ahalik eta biribilik handienean hartzeko moduko areto irekia eta ahalik eta zabalena lortzea izango da bigarren erronka.

 

Irakurtzen jarraitu...

Pasa den abenduaren 3an Euskararen Eguna ospatu zen mundu osoan. Egun horretan, bideo interesgarria argitaratu zuen Ondarroako Udaleko Euskara Batzordeak. Bertan, Ondarroara bizitzera etorri diren hainbat herritarrek euskara noiz eta nola ikasi duten azaltzen dute. Omar, Ion, Marketa, Natxo, Seynabou, Asim, Candida, Mohsin, Eva, Chuserra eta Chen dira bideoko protagonistak.

 

 

 

 

 

 

 

Irakurtzen jarraitu...

 

Oiartzungo elkarbizitza eta aniztasuna helburu izanda, Oiartzungo udalak 2014an bi proiektu jarri zituen martxan: prebentzio sistemaren barruan aniztasunaren gaia txertatzea eta lantzea eta Oiartzungo udalerriko lehen harrera integralerako protokoloa definitzea eta garatzea. Bi proiektu horietan Emunen laguntza eta aholkularitza jaso dugu.

2014. urtean prebentzio sistema orokorraren barruan aniztasunaren inguruko diagnostiko bat egin zen eta herriko eragileekin lanean hasi zen udala.

Horrez gain, ikusi zen bazela beharra Oiartzunera bizitzera datozen pertsona berriei harrera nola egin definitzeko. Behar horretatik abiatuta, udal barruko prozedura zehaztu da eta bizilagun berri bat erroldatzera etortzen den unetik jarraitu beharreko pausoak finkatu dira. Prozedura horren amaiera Ongi etorri saio bat  izango da eta bertan udaleko zein  herriko elkarte eta norbanakok hartuko dute parte.  Helburua: Oiartzunera etorri berri diren pertsonei lehen harrera integrala egitea, eta udalaz gain herriko eragileek ere parte hartzea. Herritar guztiek dugu harrera egiteko ardura.

Egitasmo hau lehen harrera protokoloa da, pertsona berri bat etortzen denean egingo zaion lehen harrera eta udalerri bezala beteko diren lehen pausoak.

Ongi etorri saioko parte hartzaileak txandatu egingo dira eta beharren arabera pertsona desberdinak izango dira.

Eskertzekoa da herritarrek izan duten interesa eta parte hartzea, hiru saiotan parte hartu dutenak eta bideoaren grabaketan parte hartu dutenak pertsona ugari izan baitira.

Ongi etorri saiorako hainbat material prestatu dira: Oiartzungo baliabideen inguruko gida, herritarrekin osatutako DVDa eta argazki-azalpenak.

Hemen txertatu duguna herritarrekin osatutako bideoa da, Oiartzunera bizitzera datozen bizilagun berriei ongi etorria emateko prestatu den bideoa.

Burutuko den lehen Ongi etorri saioa azaroaren 17an izango da, arratsaldeko 19:00etan, udaleko batzar aretoan.

Irakurtzen jarraitu...

 

 CAM00106 CAM00109

Aniztasunaren gaia ardatz hartuta, jatorrizko hizkuntzen trataeraz eta aniztasuna bera kudeatzearen inguruan aritu dira hiru saioetan zehar Luzaro ikastetxeko irakasleak.

Ikasle etorri berri bat eskolara iristen denean jarraitu beharreko harrera protokoloa jadanik landuta dute eta orain aniztasuna ikasgelan eta eskolan nola tratatu eta landu izan da gai nagusia.

Lehen pausoa eskolak gaiarekiko duen zailtasun bat definitzea izan da eta zailtasun horri erantzuteko hainbat dinamika eta ariketa landu dira. Lan talde txikitan jarrita kontzeptuen inguruan hausnartu eta aurretik ditugun pentsamolde eta aurreiritzien gainean hausnarketa egitea eta kontzientzia piztea izan da lanketa.

Azken emaitza, adostutako zailtasunari erantzuteko ekintza plana eta hori garatzeko baliabideak eskuratzea izan da.

Irakurtzen jarraitu...